![Solar panels](/sites/default/files/styles/large/public/2022-01/zbynek-burival-V4ZYJZJ3W4M-unsplash_0.jpg?h=229a46c1&itok=5e6jIlke)
Ymateb Prifysgolion Cymru i gyhoeddiad Llywodraeth Cymru o £65m ar gyfer colegau a phrifysgolion
Mae Llywodraeth Cymru wedi cyhoeddi £65 miliwn o gyllid newydd i helpu colegau a phrifysgolion i gyrraedd sero net.
13 January 2022
Mewn ymateb i’r cyhoeddiad meddai Amanda Wilkinson, Cyfarwyddwr Prifysgolion Cymru:
'Mae’r cyhoeddiad gan Lywodraeth Cymru ynghylch cyllid ychwanegol ar gyfer y meysydd allweddol hyn o weithgarwch prifysgolion i'w groesawu'n fawr ac mae'n dod ar adeg allweddol.
'Bydd y cymorth ychwanegol ar gyfer gweithgareddau ymchwil yn cael effaith gadarnhaol a diriaethol. Mae’n hanfodol bod Cymru ar flaen y gad o ran ymchwil ac arloesedd, gan ystyried y buddion cymdeithasol, economaidd ac o ran iechyd a ddaw yn sgil y gweithgareddau hyn. Mewn byd sy'n newid, bydd y gweithgareddau hyn yn bwysicach nag erioed.
'Yn yr un modd, mae'r cymorth i sefydliadau leihau eu hôl troed carbon wedi dod ar adeg amserol. Mae ein prifysgolion wedi gwneud ystod o ymrwymiadau i gefnogi sero net, gan gynnwys gosod targedau ar gyfer lleihau allyriadau a sicrhau bod y targedau hyn yn weladwy ar eu gwefannau.'