Ymateb Prifysgolion Cymru i ganlyniadau’r Arolwg Cenedlaethol o Fyfyrwyr 2020

“Rydym yn croesawu canlyniadau’r ACF heddiw sy’n dangos cynnydd mewn cyfraddau boddhad myfyrwyr ym mhrifysgolion Cymru.

“Mae darparu profiad cadarnhaol sy’n rhoi cyfle i fyfyrwyr ffynnu yn y brifysgol yn brif flaenoriaeth i’n haelodau, ac rwy’n falch o weld prifysgolion Cymru yn parhau i wneud cynnydd ar wella cyfraddau boddhad cyffredinol myfyrwyr, gan arwain y DU mewn meysydd allweddol megis asesu ac adborth, a llais myfyrwyr.

“Mae hyn yn dyst i ymrwymiad ac ymroddiad prifysgolion Cymru i addasu, arloesi a chynnig cefnogaeth i fyfyrwyr yn ystod cyfnod heriol.

“Yng ngoleuni’r pandemig, mae’r ychydig flynyddoedd diwethaf wedi bod yn arbennig o heriol i fyfyrwyr, a gallant fod yn falch o’r hyn y maent wedi’i gyflawni, gan brofi eu bod yn wydn, yn ymroddedig ac yn hyblyg yn wyneb adfyd.

“Rydym yn cydnabod y gallwn bob amser wneud mwy, ac rydym yn gwerthfawrogi’r adborth a ddarperir gan yr Arolwg Cenedlaethol o Fyfyrwyr, a fydd o gymorth i sefydliadau wrth iddynt barhau i addasu a gwneud gwelliannau yn y meysydd allweddol o ddysgu, addysgu a phrofiad myfyrwyr.

“Bydd prifysgolion Cymru yn parhau i weithio mewn partneriaeth â myfyrwyr a rhanddeiliaid eraill i sicrhau bod myfyrwyr yn gallu mwynhau’r profiad prifysgol gorau posibl sy’n eu paratoi ar gyfer eu gyrfa yn y dyfodol ac yn eu helpu i gyflawni eu potensial.”