Gynhadledd Dechnegol Cymru-Gyfan

Cynhaliwyd y gynhadledd, a ariannwyd ar y cyd gan Rwydwaith Arloesedd Cymru gydag UKITSS a Technician Commitment, ym Mhrifysgol Metropolitan Caerdydd. Traddodwyd yr araith agoriadol gan Is-Ganghellor y Brifysgol, yr Athro Rachael Langford, a dynnodd sylw at y rôl bwysig y mae technegwyr yn ei chwarae mewn addysg uwch. 

Clywodd cydweithwyr ddiweddariadau gan UKITSS, Technician Commitment, a rhaglen Herschel, a chyflwynodd David Noakes, Cadeirydd Rhwydwaith Technegwyr RhAC, drosolwg o'r Rhwydwaith ac amlinellodd ei gyfeiriad yn y dyfodol. Traddodwyd yr araith i gloi gan Jiteen Ahmed, Pennaeth Gwasanaethau Technegol ym Mhrifysgol Aston.

Trefnwyd y digwyddiad gan Mark Dabee-Saltmarsh, Arweinydd Technician Commitment ac Aelod o Gyngor UKITSS, gyda chefnogaeth gan aelodau Rhwydwaith Technegwyr RhAC. 

Meddai Mark Dabee-Saltmarsh:

“Ynghyd â’r tîm trefnu, rwyf wrth fy modd yn gallu dod â thechnegwyr ledled Cymru at ei gilydd ar gyfer y digwyddiad cyntaf o’i fath. Mae wedi bod yn gyfle gwych i rannu llwyddiannau, dysgu am gyfleoedd ar gyfer cydweithio ac, yn bwysicaf oll, dathlu pwysigrwydd technegwyr mewn addysg uwch.”

Dywedodd David Noakes: 

“Fel Cadeirydd Rhwydwaith Technegwyr RhAC, rwy’n falch o’r rôl rydym wedi’i chwarae wrth sicrhau bod y gynhadledd hon yn digwydd. Trwy adeiladu cymuned dechnegol ledled Cymru, gall y Rhwydwaith fod yn sbardun allweddol wrth greu cyfleoedd i dechnegwyr o bob rhan o Gymru ddod ynghyd a rhannu arbenigedd. Rwy'n gyffrous am y posibilrwydd o gyfleoedd yn y dyfodol ar gyfer rhannu sgiliau a chydweithio wrth i'r Rhwydwaith barhau i dyfu.”

Dangosodd AWTC25 gryfder cymuned dechnegol Cymru, gan greu llwyfan pwerus ar gyfer dysgu, cysylltu a chydnabyddiaeth. Wrth i'r momentwm gynyddu, mae'r sylw nawr yn troi at Brifysgol Bangor, sef lleoliad y gynhadledd nesaf yn 2027.

Gallwch ddysgu mwy am Rwydwaith Technegwyr RhAC.